About The Book

Description

Ilang Kataga Sa aking pagkabatid, ang nobelang "DEKADA '70: Ang Orihinal na Kumpletong Edisyon" ni Lualhati Bautista ang kauna-unahang nobelang Pilipino na "nakarating na" sa pamilihan ng mga babasahing popular. Binasa ito ng mga apisyonado ng panitikan at ng mga mambabasang nasa labas ng hangganan ng akademya. May sariling katangian ang akda na sumasaling sa estetikong sensibilidad ng masa—dala kaipala ng masinig na pagrenda ng awtor sa ngangayuning lengguwaheng maluwag na nauunawaan at naiibigan ng karamihan. Hindi man sabihin, kung gayon, taglay ng nobela ang ispiritu ng pagpapalaganap ng isang wikang pambansang itinataguyod namin sa Linangan ng mga Wika sa Pilipino (LWP). Dahil na rin dito, bukod sa mga nabanggit na, kung bakit itinatagubilin namin sa lahat—nang walang pasubali—na basahin ang tunay at kumpleyong bersiyon na nakapaloob sa edisyong ito. Ponciano B.P. Pineda Direktor Linangan ng mgaWika sa Pilipino (LWP)